💑 වීහු 💑

🎀 කෙටි කතාව

。。。。。。。。。。

" වීහු ඔයාගේ හැන්ඩ්සම් අද අපේ ගෙවල් ගාවින් ගියා. " නිතුල් එහෙම කිව්වේ වීහු දිහා හොරෙන් බලන ගමන්.

" අහ් මොකක්? ඒ ඇයි ඒ? " වීහු කලබල වෙලා ඇහුවා.

" මන් ඕවා අහන්න ගියේ නෑ. ඇරත් ඒ නපුරත් එක්ක මට ඕවා කතා කරන්න ඕනෙ නෑ. "

" අනේ මේ නිතුල් එයා නපුරු නෑ හරිද? 😠 මගේ ඒකපාර්ශවික ප්‍රේමයට එක එකේවා කියලා ආයි අහුවෙන්න එපා. " වීහු කිව්වේ ටිකක් කේන්තියෙන්.

" අනේ මට වැඩේමයි ඔයාගේ ඒකපාර්ශවික ලව් එකට එක එකේවා කියන්න. 😁 උඹේ ලව් එක ඌ දන්නේ නැති නිසාම හොදයි. " නිතුල් කිව්වේ හිනා වෙවී.

" ඇයි එහෙම කියන්නේ? 😒 "

" එහෙම කියන්නෙද 😂 වෙරි සිම්පල් ඩාර්ලින්. අහ් මලා 😅අන්න බෙල් එක ගැහුවා. මන් යනවා ක්ලාස් එකට නැත්තන් මේ කොල්ලෝ ටික ඔලු පලා ගනී මන් පස්සේ කියන්නම් සුදෝ. " එහෙම කියපු නිතුල් පොත් ටිකත් අරගෙන ඉක්මන් ගමනින් ස්ටාෆ් රූම් එකෙන් එලියට ගියා.

' අර්ර්ර් මේ නිතුල් නම් 😠 ' වීහු හිතුවේ තනියම.

වීහු රුක්ෂානි මාදිවෙල කියන්නේ වයස 27ක රුවැත්තියක්. ඇය මාලබේ පිරිමි විදුහලේ නැටුම් ගුරුවරියක්.

。。。。。。。。。。

" දුව ඔයාව බලන්න මනමාලයෙක් එනවා මේ සෙනසුරාදා " වීහු ගේ අම්මා වීහු ගවට ආවේ හිනා කටක් පුරෝගෙන. 😁

" අර්ර්ර්ර් හාකො. එයා හොද නැත්නම් මන් කියන්නම් " වීහු අම්මට රවාගෙන කිව්වා.

" මොකෝ අද සැබෑ වෙනසක්. " 😏

" ඇයි ඒ ගමන මොකක්ද කලේ. "

" ඇයි ඔයාගේ ඒකපාර්ශවික ආදරේ ඔයාට කැමති වෙන්නේ නැති නිසාද මනමාලයෙක් එනවා කිව්වහම රවලා විතරක් උත්තර දෙන්නේ 😂 "

" අම්මා... 😠 ඔයත් ඒ ගමන මාව විහිලුවකට ගත්තද "

" අපොයි නෑ ඒත් ඔයා ලස්සනයි වගේම උගත්. ලොකු සල්ලියක් නැති වුනත් සල්ලි ටිකක් හරි එකතු කරලා තියෙනවා. ඔයා හරි පරිස්සම්. මගේ දුව හින්දා කියනවා නෙමෙයි ඒත් ඔයා වගේ ලමයෙක් නැති කරගන්න ඔයාගේ හැන්ඩ්සම් ඇත්තටම පව් කරලා ඇති. "

" අහ් 😟 අම්මා හදන්නේ දැන් මාව අඬවන්න. "

" එහෙම නෑ දරුවෝ මන් කිව්වේ ඇත්ත. "

" ම්ම්ම්ම් එයාගේ ආදරේ නැති එකේ කිස් එකක්වත් ඉල්ල ගන්න ඕනේ. 😊 " ඒක කිව්ව ගමන් වීහුගේ මව කලබල විය.

" මේ වීහු මගෙන් හොදවයින් දෙකක් අහගන්නෙ නැතුව ඉන්නවද 😠 ඌ කිස් එකක් දීලා නැවතුනේ නැත්නම් එහෙම? උඹට පුලුවන්ද කොල්ලෙක් එක්ක හැප්පෙන්න. මතක තියාගනින් මේ ලංකාව ඇමරිකාව නෙමෙයි. කැලලක් ඇති වුනොත් මකන්න ලේසි නෑ. "

" ඒත් අම්මා මන් කිව්වේ විහිළුවටනේ.... අනික මන් පොඩි ලමයෙක් නෙමෙයි. කොහොමත් මට ඕනේ නෑ මගේ ප්‍රතිපත්ති කඩන්න. අම්මා ඒක දන්නවනේ. 😒 "

" අනේ උඹේ විහිලු. 😠 සාරියක් තෝරලා දෙන්න මට. හැබැයි හොද ලස්සන එකක්. "

"හ්ම්ම් හා 😟 "

。。。。。。。。。。

" දුව එන්න යන්. " අම්මා හෙප්පුව මගේ අතට දීලා කිව්වා.

" කොල්ලා කොහොමද? 😟 " මන් අම්මගෙන් ඇහුවා.

" ඔයා ආස ටයිප් එකේ. 😏 "

" අම්මා ආර් යූ ශුවර්? 😍 "

" ඔව් ඔව් අයිම් ශුවර්. 😏 "

මම හෙප්පුවත් අතේ තියාගෙන සාලෙට ගියා. අහ් මම බිම බලාගෙන ගිහින් දුඹුරු පාට ලෙදර් දෙකක් දාගෙන හිටපු මනමාලයට හෙප්පුව ඇල්ලුවා. මනමාලයත් නැගිටලා ඒක අරගත්තා. මම ශේප් එකේ ගිහින් අප්පච්චි ගාවින් වාඩි උනා. ඊට පස්සේ ඔලුව උස්සලා මනමාලයා දිහා බැලුවා. අප්පා මනමාලයා හෙන කලු ඒත් අමුතු ලූක් එකක් තියන කෙනෙක්. දෙගොල්ලෝ එක එකේවා කතා කර හිටියා. දේශපාලන විකාර. 😒

" ඔයාලා දෙන්නා උඩට ගිහින් කතා කරලා අපිටත් තීරණේ දැනුම් දෙන්නකෝ. අපි බල කරන්නේ මොකටවත්. " මනමාලයාගේ අම්මා හිනා වෙලා කිව්වා.

මායි මනමාලයයි දෙන්නම හිමින් සැරේ නැගිටලා උඩ බැල්කනි එකේ තියලා තිබ්බ පුටු දෙකේ වාඩි උනා.

" මම ඕෂද සඳරුවන්. ඔයා? "

" මම වීහු රුක්ෂානි. ඕෂද මට ඔයාට දෙයක් කියන්න තියෙනවා. "

" කියන්න් වීහු. 😊 "

" මම අවුරුදු 5ක ඉදන් ශාක්‍ය කියලා කෙනෙක්ට ආදරේ කරනවා. එයා මට කැමති නෑ. ඒත් මන් එයාට ආදරේ කරන්නේ ඇත්තට. ඒ නිසා මට ටිකක් හිත හදාගන්න අමාරුයි. මන් ඔයාව බැන්දත් මට ඔයාට ආදරේ කරන්න බැරිවෙයි. "

" ම්ම් හොදයි වීහු ඒකට කමක් නෑ. මම නම් කාටවත් ආදරේ කරන්නේ නෑ. ආදරේ කරලත් නෑ. සෝ මට ඒක එච්චර ලොකු දෙයක් නෙමේ. මන් යෝජනාවක් කරන්නද? "

" හා "

" අපි දෙන්නා මාසයක් විතර ආශ්‍රය කරලා බලමු. මොකද අපි ගැලපෙනවද දන්නේ නෑනේ. 😊 මොකද කියන්නේ? "

" ඒකනම් හොදයි. අහ් මාත් දෙයක් කියන්නද? "

" කියන්න. "

" ඔයාගේ හමේ පාටටනම් මන් හරි ආසයි. "

" ඔහ් ගුඩ්. "

。。。。。。。。。。

මාසයක් යද්දි ඕෂදට වගේම මටත් තේරුනා අපි දෙන්නා ගොඩාක් හොදට ගැලපෙනවා කියලා. ඉතින් අපි අම්මලට කියලා කසාඳේ ස්තීර කර ගත්තා. මම ශාක්‍ය ව හම්බුවෙන්න යන්න හිතුවා. ඕෂදට කිව්වහම එයා මගේ අදහස අනුමත කරපු නිසාම මම ශාක්‍ය ව හම්බුවෙන්න එයා ජිම් එකට ගියා.

" අහ් පිස්සි මාසෙකින් විතර මේ පැත්තේ ආවේ නෑනේ. මොකෝ ඔයාගේ හිතවත් වෙනස් වුනාද 😂 ශාක්‍ය නම් ඔයාට ලව් කරන එකක් නෑ. ඔයා මැරීගෙන ලව් කරාට. 😂 අපේ ශාක්‍යත් ඉතින් සෙක්සි නිසා වෙන්න ඇති ඔයත් පස්සෙන් එන්නේ නේද? " ශාක්‍යගේ යාලුවෙක් අනිත් අයවත් හිනස්සලා කියද්දි මට තරහා ගියත් ශාක්‍ය එතනට ආපු නිසා මම තරහව පාලනේ කරගත්තා.

" අහ් මන් හිතුවා ඔයාගේ කරදරේ ඉවර ඇති කියලා. ආයි ආවද කරදර කරන්න. මම නම් කැමති වෙන්නේ නෑ ඔයා වගේ නැටිච්චියෙක්ට. "

" ශාක්‍ය විතුල් ජයවංශ මම ඔයාට දෙයක් කියන්න ආවේ. මම මැරි කරන්න යන්නේ. අවුරුදු 5ක් මම ඔයාගේ ආදරේ ඉල්ලුවා. අවුරුදු 5ක්. ඔයාගේ සෙක්සි ඇගට කැමති වෙලා මන් ඔයාගේ පස්සෙන් ආවනම් මම අවුරුදු 5ක්ම ඔයාගෙ පස්සෙන් එන්නේ නෑ. ඒ වගේම ඔයා මට නැට්ටිච්චි කිව්වේ මන් ඔයාගේ පස්සෙන් ආපු නිසා වෙන්න ඇති. ඒකට කමක් නෑ. ඔයාට වඩා හැන්ඩ්සම් කොල්ලෝ මන් දැකලා තියනවා. මොනාඋනත් අන්තිමෙදි මට ගැලපෙන කෙනා මට ලැබිලා තියෙනවා. මතක ඇතිනේ මන් කිව්ව දේවල් මගේ ටයිප් එක ගැන. ඕෂද කියන්නේ ශෝක් කොල්ලෙක්. මන් එයාට ඔයා ගැනත් කිව්වා. හ්ම්ම්ම්ම් දුකයි මේ පපුවට මොකද දන්නවද මන් මැරි කරන්නේ මන් ආදරේ කරන කෙනාව නෙමෙයි. සතුටකුත් තියෙනවා ඒ මොක්ද මන් මැරි කරන්නේ මට ගැලපෙන කෙනාව. මන් යනවා ආයි කවදාවත් මන් ඔයා ඉස්සරහට එන්නේ නෑ. මොකද ඒක මට වේදනාවක්. මම ලංකාවෙන් යනවා. ඕෂද වැඩ කරන්නේ ඕස්ට්‍රේලියාවේ. ඉතින් මන් කොහොමත් එහෙ යන්න ඕනේ. බුදුසරණයි ශාක්‍ය. " මම අඬ අඬ එහෙම කියලා ජිම් එකෙන් එලියට දුවගෙන ආවා.

තව මාසයක් ගියේ මම ඕෂදගේ පතිනිය කරමින්. ජීවිතේ එයා එක්ක බෙදාගන්නකොට ආදරේ කරන්න බැරි උනත් සම්පූර්ණ බවක් දැනුනා. එයා මට ආදරේ කරා ගොඩාක්. එයා මට ආදරෙයි කියන හැමවෙලාවෙදිම මම නිහඬ වුනේ ආදරේට බොරුවක් කරන්න බැරි නිසාමයි. මම දැන් දරුවෝ තුන්දෙනෙක්ගේ මවක්. දරුවෝ තුන්දෙනාම හොදින් හැදුනේ අපි දෙන්නගෙම සතුට මැද්දේ.

හදිස්සියෙම ඕෂදට අමාරු වෙච්ච නිසාම අපි එයාව හොස්පිටල් එකට ගෙනිච්චා. ඩොකටර් එයාව පරීක්ෂා කරන තුරු අපි එලියට වෙලා හිටියෙ නොයිවසිල්ලෙන්.

" මිසිස් වික්‍රමසිංහ ඔයාට තේරෙනවනේ. මිස්ට වික්‍රමසිංහට දැන් වයස 70ක්. අපි කරන්න පුළුවන් හැමදේම කරා ඒත් දැන් අපිට සිද්ද වෙනවා එයාට යන්න දෙන්න. ඔයාලට පුළුවන් අන්තිම වතාවට එයා එක්ක කතා කරන්න. මන් හිතනවා මිසිස් වික්‍රමසිංහ මේ දේ තේරුම් ගනියි කියලා.”

“ ඕකේ තැන්කිව් ඩොක්ටර් ”

මායි පුතාලා දෙන්නයි දුවයි ඕෂද ඉන්න රූම් එකට ගියා. අපිව දැකලා ඕෂද අමාරුවෙන් හිනා උනා. මම ඕෂද ලගට ගිහින් එයාගේ අතක් අල්ලගත්තා.

“ ලොකු පුතේ, පොඩි පුතේ නංගි ගැන ඔයාලා බලන්න ඕනේ හරිද? ලස්සන ගැලපෙන කසාදයක් එයාට කරලා දෙන්න. ඒ වගේම අම්මවත් හොදට බලාගන්න. ඔයාලා දෙන්නගේ පවුල් ජිවිතේ හොදට ගෙනියන්න. හරියට මායි අම්මයි කළා වගේ. දුවේ ඔයාට එක්සෑම් එක හොදට පාස් වෙන්න හොදේ. ආදරෙයි ඔයාල හැමෝටම.” ඕෂද අමාරුවෙන් වචන ගැට ගගහා කිව්වා.

“ අපි තාත්තා කිව්වා විදිහටම කරන්නම්. බය වෙන්න එපා හැම වගකීමක්ම මායි මල්ලියි ගන්නම්. ගොඩාක් ආදරෙයි තාත්තේ ඔයාට. ඔයා තමා අපේ වීරයා.” ලොකු පුතා තාත්තගේ නළල සිප ගන්න ගමන් කිව්වා. මගේ දෑසට දසුන දැකලා කදුළු ඉනුවා.

“ ඕෂද ඔයාට කියන්න දෙයක් තියනවා. මා එක්ක ජිවත් උන අවුරුදු ගානටම ඔයා අහන්න බලාපොරොත්තු උන දේ තමා මන් ඔයාට කියන්න යන්නේ. ඒ තමයි මන් ඔයාට ගොඩාක් ආදරෙයි ඕෂද.”

“ වීහු මන් ඒක දන්නවා රත්තරන්. මට සතුටුයි. ශාකයට තරම් නැති උනත් ඔයා මට පොඩ්ඩක් හරි ආදරේ කරනවා කියලා දැනගෙන හිටියේ. ඊලග ආත්මෙවත් ඔයාට ඔයාගේ ආදරේ ලැබෙන්න කියල මන් ප්‍රර්ථනා කරනවා මගේ කෙල්ලේ. කෝ මගේ නළලට කිස් එකක් දෙන්න මට එතකොට සතුටින් මැරෙන්න පුලුවන්.”

මම අඩ අඩ ඕෂද ගේ නළල දැඩිව සිප ගත්තා. ඊට සුළු මොහොතකට පස්සේ ඕෂද මේ ලෝකේ දාලා ගියේ දරුවන් තිදෙනාව හඩවමින්. ඒත් වීහු ගේ ඇස් වල කදුළු තිබුනත් වීහු අඩුවේ නැත්තේ ඕෂද ට කරන්න හැම යුතුකමක්ම කෙරුවා කියන ආත්ම තෘප්තිය ඇයට දැනුන නිසාමයි.

..... නිමි .......

ඉතින් කතාව කොහොමද? අදහසක් කමෙන්ට් කරගෙන යන්නකෝ. මේ කතාව පව්,මලි,යශෝ,ශානි,ජානි,රංජි,සෙනු,විනුදා අක්කිලා අයියලා වෙනුවෙන්මයි දාන්නේ හොදේ. ආදරෙයි ඔයාලට පැලෙන්න. ඔයාලා නැත්නම් අද මාත් නෑ.